Андижон вилоятининг Булоқбоши тумани ҳудудида хитойлик сармоядорлар билан ҳамкорликда янги цемент заводи қурилади. Ушбу лойиҳага 140 млн доллар йўналтириш кўзда тутилган. "Правда Востока" нашри хабарига кўра, бу лойиҳа орқали булоқьбошиликларнинг 1100 нафари иш билан таъминланади.

Маълум қилинишича, завод майдони 107 га бўлади ва завод 300та цемент ташувчи техника билан таъминланади. Бу заводда кунига 5 минг тонна цемент тайёрлаш имконияти мавжуд бўлади. Бу маҳсулотларни ички ва ташқи бозорга ташиш учун темир йўллардан фойдаланиш назарда тутилган.

Бироз олдинроқ, Ўзбекистонда йилига 15 турдаги 7 млн тонна цемент ишлаб чиқарилаётгани хабар қилинганди.

Шунингдек, кейинги йили Туркия компанияси Сурхондарёда 225 млн долларга янги цемент заводи қуриши маълум қилинган.