АҚШ Ҳарбий ҳаво кучлари самолётлари Сурия шимолида ИШИД ташкилоти жаллодларидан бири, келиб чиқиши кувайтлик, Британия фуқаролигига эга бўлган жангари "Жиҳодчи Жон"ни йўқ қилиш мақсадида ҳарбий амалиёт ўтказиб, бир қанча нуқталарга ҳаво зарбалари йўллади.

Лақаби "Жиҳодчи Жон", асл исми Моҳаммад Эмвази бўлган бу жангари бир неча марта ташкилот томонидан интернетга жойлаштирилган видеоёзувларда асирларнинг бошини олаётган ҳолатда тасвирланганди.

АҚШ самолётлари уни ўлдириш мақсадида Суриянинг Ракка шаҳрига ҳужум қилган. Айни вақтда Пентагондагилар унинг ўлдирилгани ҳақидаги маълумот тасдиқланишини кутишмоқда.

Тахмин қилинишича, Эмвази 2013 йилда Буюк Британиядан Сурияга келган ва ИШИД аъзосига айланган.

Ўтган йилнинг августида у америкалик журналист Жеймс Фолини ўлдираётгани тасвирланган видео тарқатилганди ва шундан кейин у "машҳурлашди".