Таниқли актёр Дэниэл Крэйг нега экранда Россия президенти Владимир Путиннинг образини гавдалантирмаслигини айтди.

Россиялик журналистнинг у ташқи қиёфаси билан Путинни эслатишини, шу боис келажакда бу давлат арбобининг ролини ижро этиш нияти бор-йўқлиги ҳақидаги саволига жавобан Крэйг комил ишонч билан “Йўқ” деган жавобни берди.

“Персонажларим фильм охирида ҳалок бўлишини ёқтирмайман”, - тушунтирди Крэйг.
Шунингдек, у яқинда премьераси бўлиб ўтган “007: Спектр” фильмининг суратга олиниш жараёни ҳақида фикрлари билан ўртоқлашди, жумладан, қаттиқ чарчагани боис дунё бўйлаб саёҳат қилиб суратга тушиш ҳам унинг кўнглини овута олмаганини таъкидлади.