Бутун дунё бўйлаб Facebook ижтимоий тармоғидаги фойдаланувчилар аккаунтлари бўйича маълумотлар тақдим қилиш талаб қилинган ҳукумат сўровлари сони 2015 йилнинг биринчи ярмида 2014 йилнинг иккинчи ярмига нисбатан 18 фоизга ошди, яъни 41214 тагача етди, деб айтилмоқда компания берган ҳисоботда.

Бу сўровлар умумий миқдорида энг катта улуш АҚШ ҳуқуқ-тартибот муассасалари ҳиссасига тўғри келган, яъни 60 фоиздан кўпроғи. АҚШдан кейин Франция, Германия ва Буюк Британия келмоқда. Ҳиндистон ва Туркиядан маҳаллий қонунларга хилоф бўлган контентларни ўчириш ҳақида талаб тушган.

2015 йилнинг январдан июнигача Россиядан иккита сўров тушган, уларнинг иккови ҳам қондирилмаган. АҚШнинг умумий сўровлари 44156 тани ташкил қилган, улардан 79,85 фоизи қондирилган.

Бутун дунё бўйлаб ҳукумат тузилмалари ижтимоий тармоқдан фойдаланувчилар ҳақида асосий маълумотлар, IP-адресларни тақдим қилишни, шунингдек қонунга хилоф контентларни, жумладан фойдаланувчиларнинг баъзи мақолаларини ўчиришни сўраб мурожаат қиладилар. Компаниянинг бундай ҳамкорлиги турли давлатлар ҳуқуқ-тартибот муассасалари томонидан жиноятларни тергов қилишда фойдаланилади.

“Facebook ҳукуматларга ҳеч қандай қўшимча ёки фойдаланувчиларнинг маълумотларига бевосита киришни тақдим қилмайди”, дейилмоқда компания ҳисоботида.