Франция ҳукумати 30 ноябрь куни Париж шаҳрида бошланадиган, БМТнинг иқлимий ўзгаришларга бағишланган 21-конференцияси муносабати билан мамлакатнинг барча қўшнилари билан чегараларида 13 ноябрь кунидан бошлаб қатъий назорат ўрнатилади. Бу ҳақда ТАСС нашри Франция ИИВ раҳбари Бернар Казневга асосланиб хабар қилган.

Қатъий чоралар шу йилнинг 13 декабригача амал қилади. Вазирнинг аниқлик киритишича, чегараларда хавфсизликни таъминлаш учун полициянинг 30 минг нафар ходими сафарбар қилинади. Конференция бошланиши арафасида ва у бўлиб ўтаётган кунларда тартиблар янада кескинлашади.

"13 ноябрдан 19 ноябргача мобил назорат пунктлари барпо қилиниши ишлари ўтказилади. Бу муддатда чегаралар орқали ҳаракатланишда чекловлар бўлмайди. Конференция бошланишига 10 кун қолганида назорат кучайтирилади", деб маълум қилган Казнев.

Унинг қайд этишича, гап чегараларни бутунлай ёпиб қўйиш ҳақида кетмаяпти.

БМТнинг иқлимий конференцияси шу йилнинг 30 ноябридан 11 декабригача ўтказилади. Унда дунёнинг 80дан ортиқ давлати раҳбарлари иштирок этиши кутилмоқда.