Iroq kurdlari yetakchisi Masud Barzani Sinjar shahri IShID jangarilari qo‘lidan ozod etilganini ma'lum qildi, deya xabar bermoqda Reuters.
“Sinjarning ozod qilinishi Mosulni qaytarib olish uchun katta ahamiyatga ega bo‘ladi”, - dedi Barzani.
Avvalroq kurd harbiylari keng ko‘lamli harbiy amaliyot jarayonida IShID jangarilar tomonidan bosib olingan Iroq shimolidagi Sinjar shahriga kirib borgani ma'lum qilingan edi. Hujumlarni AQSh va koalitsiya aviazarbalari qo‘llab-quvvatlab turdi.
Shahar jangarilar tomonidan 2014 yil oxirida bosib olingan edi. Qayd etilishicha, Sinjar IShID uchun Iroq va Suriyaning Mosul va Rakka shaharlarini bog‘lab turadigan strategik ahamiyatga ega marra hisoblanadi.