31 октябрь куни Синайда ҳалокатга учраган А321 самолётига тегишли "қора қути" ёзувлари 4 давлат вакилларига жўнатилган. Бу ҳақда "Интерфакс" нашри Қоҳирадаги манбасига асосланган ҳолда хабар қилган.

"Қора қути" аниқланган вақтда Мисрдан ташқари Россия, ГФР, Франция ва Ирландияда ҳам ундаги ёзувларнинг нусхаларини олишган. Оригинал ёзувлар эса Мисрда қолган", дейди манба.

Бироз аввалроқ, ОАВларда А321 самолёти бортида таймер ўрнатилган бўлгани ҳақида хабарлар берилганди.

Эслатиб ўтамиз, «Когалимавиа» компаниясига тегишли бўлган Airbus 321 Шарм-аш-Шайхдан Санкт-Петербургга учган самолёт 31 октябрь куни Мисрда ҳалокатга учраганди. Самолёт бортида бўлган 224 нафар, жумладан 217 нафар йўловчи (уларнинг 25 нафари болалар) ҳалок бўлганди.