Мўғулистонда “Эрдэнэс Тавантолгой” кўмир қазиб олувчи компанияси ишчилари касаба уюшмаси раҳбари матбуот-анжуман пайтида ўзига ўт қўйди, деб хабар бермоқда РСН нашри.

Бу ҳақда мўғулистонлик журналист Инктуши Цохто маълум қилди.

Унинг айтишича, эркак юзи ва оёғидан унча жиддий бўлмаган куйиш жароҳатлари олган. У шифохонага олиб кетилган.

Журналистнинг фикрича, касаба уюшмаси етакчиси Мўғулистон ҳукумати ҳаракатларига норозилик сифатида ўзига ўт қўйишга қарор қилган.

17 октябрдан компания ишчилари компания раҳбариятининг компанияни MCS хусусий корпорациясига бериши қарорига қарши чиқмоқдалар.