Полиция "гугломобил"ни паст тезлиги учун тўхтатди

Технология 13 Ноябрь 2015 2784

Калифорния кўчаларида синовдан ўтаётган Google`нинг ўзини ўзи бошқарадиган машинаси жуда секин ҳаракатланаётгани сабабли полиция томонидан тўхтатилди.

Ҳодиса Google бош қароргоҳи жойлашган Маунтин-Вью шаҳрида бўлиб ўтди. Патрул полицияси зобити машилардан бири энг паст тезлик соатига 35 миль (56.33 км) қилиб белгиланган йўлда 24 миль (38.62 км) тезликда ҳаракатланган ҳолда бошқа автомобилларга муаммо туғдираётганини пайқаб қолди.

Полиция томонидан тўхтатилган “қоидабузар” Google`нинг ҳайдовчисиз бошқариладиган машинаси бўлиб чиқди. Зобит транспорт воситаси операторига бундай тезликда ҳаракатланиш қоида бузилиши ҳисобланишини маълум қилиб, “гугломобиль” тезликни қандай қилиб танлашига қизиқди. Бироқ охир-оқибат қоида бузилмаганини тан олди.

Гап шундаки, автоном автомобилларни синовдан ўтказишда хавфсизликни таъминлаш мақсадида улар тезлиги соатига 25 миль қилиб белгиланган. Зарурат туғилганида, ҳозирча рул олдида уни кузатиб борадиган оператор бошқарувни ўз қўлига олиши мумкин.

Google компанияси бўлиб ўтган ҳодисани тасдиқлаб, компания томонидан ишлаб чиқилган ва синовдан ўтказилаётган автоном автомобиль умумий бўлиб 1,2 миллион миль (1,93 млн км) масофани мустақил равишда босиб ўтишга улгурди. Бунда бирор марта ҳам жаримага тортилмади. Синов ишлари Техас штатидаги Остин ҳамда Калифорния штатидаги Маунтин-Вью шаҳарларида умумий фойдаланишдаги кўчаларда бўлиб ўтади.

Кун янгиликлари
Ҳурматли абитуриентлар, сизнинг ҳали Олий ўқув юртига ўқишга кириш имкониятингиз бор!
09:55 17460 Lifestyle
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 22493 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 11418 Жамият
KUN.UZ хайрия акцияси: Жаҳонгирнинг бир оёғида операция ўтказилди, йигит барчадан миннатдор
19:03 / 21.08.2017 12305 Жамият
Ўзбекистон қачонгача ривожланаётган давлатлар қаторида қолади?
16:20 / 21.08.2017 40736 Ўзбекистон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 53001 Жамият
Кун.uz офис изламоқда
15:48 / 06.08.2017 47770 Lifestyle
Янги Android O тизимидан нималар кутиш мумкин?
Зафар Ҳошимов лотин алифбоси, ўзбек тилининг мавқеини ошириш ва чет тилларга ҳурмат сақлаш ҳақида
Япония ТИВ раҳбари: КХДР ядро дастуридан воз кечмагунга қадар унга босим ўтказиш керак
15:40 669 Жаҳон
Кўпроқ янгиликлар