Польша президенти Анжей Дуда Беата Шидлони мамлакат бош вазири этиб тайинлаб, унга янги ҳукуматни шакллантириш вазифасини топширди, дея хабар бермоқда TVN24 телеканали.

Маросим Варшавадаги президент саройида бўлиб ўтди. Анжей Дуда Беата Шидлога бу ҳақдаги қарор нусхасини топширди.

Аввалроқ Ева Копач бошчилигидаги Польша ҳукумати истеъфога чиққани хабар қилинган эди. Мазкур қарор 25 октябрдаги парламент сайловларида собиқ бош вазирнинг “Фуқаролик платформаси” партияси мағлубиятга учраганидан сабабли қабул қилинган. Ярослав Качиньскийнинг “Қонун ва адолат” партияси Польша парламентидаги кўпчилик ўринларни қўлга киритди. Иккинчи ўринни қўлга киритган Ева Копач партияси эса 24,1 фоиз овоз тўплаб, 138та депутатлик ўрнига эга бўлди.

Шидло эса 2015 йил мартида бўлиб ўтган президентлик сайловида Дуда сайлов штаби раҳбари сифатида фаолият юритган.