Россия президенти Владимир Путин россиялик ва туркиялик журналистларга берган интервьюсида маълум қилишича, расмий Москвада Башар Асаднинг ҳукуматдан кетиши масаласини ўртага ташлаш ҳуқуқи мавжуд эмас.

"Келинглар, ўйлаб кўрайлик. Биз иттифоқчиларни Москвага таклиф қилиб, улар билан Сурия президентининг ҳокимиятдан кетиши масаласини муҳокама қилсак. Бу қанчалик қонун ва ахлоқ нормаларига тўғри келади? Сурия - мустақил мамлакат. Башар Асад эса бу мамлакатнинг қонуний президенти, уни сурияликлар сайлашган. Шундай экан, бу масалага қайтишга ҳожат борми? Албатта, йўқ", дейди Путин.

Унинг айтишича, бундай ҳаракатни фақат "ўзини истисно деб биладиган", бошқа мамлакатларнинг тақдирини ўз иродасига кўра ҳал қилишга уринадиган давлатларгина амалга ошириши мумкин.