Суриянинг Латақия, Тартус, Хомс, Хама, Идлиб ва Дамашқ вилоятларида 4 мингдан кўпроқ маҳаллий аҳоли вакили ўзини ҳимоя қилиш отрядлари сафига қўшилди, деб хабар бермоқда Россия Мудофаа вазирлиги расмий вакили Игорь Конашенковга иқтибос келтирган ҳолда РИА “Новости” ахборот агентлиги.

“Латақия, Тартус, Хомс, Хама, Идлиб ва Дамашқ вилоятларида маҳаллий аҳоли фаол тарзда ўзини ҳимоя қилиш отрядлари сафига қўшилмоқда. Сурия бош штаби берган маълумотларга кўра, айни пайтда ушбу отрядлар сони 4 минг кишидан кўпроқни ташкил қилмоқда”, деб айтди Конашенков.

Конашенковнинг айтишича, кўнгиллилар аҳоли пунктларини террорчилардан ҳимоя қилиш вазифаларини ҳал қилишга жалб қилинмоқда. Тинч аҳолининг ёрдами ҳужум чизиғи ортидаги мунтазам қўшинлар бўлинмаларини ҳимоя қилиш вазифаларидан озод қилиб, ҳужумни ривожлантириш учун керакли кучларни яратишга имкон беради.