Тошкент шаҳрининг Яшнобод туманида келиб чиққан муштлашув қон тўкилиши билан якунланди. Бу ҳақда “Огоҳ” нашри ёзмоқда.

Тўполон тумандаги тунги клублардан бирида келиб чиққан. Жанжал иштирокчиларининг бари маст бўлган. 1978 йилда туғилган Антон Барсуков рафиқаси ва қизчаси билан биргаликда овқатланиб ўтирганига қарамай, кўп ароқ ичиб юборган, натижада ўзини билмай қолган.

Бир муддатдан сўнг у шу муассасада тамадди қилиб ўтирган Алижон Абдусаматов билан тортишиб қолди. Таъкидланишича, маст Барсуков кийимларини ечиб олиб, рақсга туша бошлаган. Муассасага қизи билан ташриф буюрган Абдусаматов уни тартибга чақирган. Бунинг оқибатида муштлашув келиб чиққан.

Барсуков, рақибига кучи етмагач, қўлига пичоқ олиб, у билан Абдусаматовга жароҳат етказган. Воқеа жойига етиб келган милициячилар уни тўхтатиб қолиб, олиб кетишган. Абдусаматовга эса ўз вақтида тиббий ёрдам кўрсатилган.