Буюк Британия бош вазири Дэвид Кэмерон Лондондаги Уэмбли стадионида ҳиндистонлик ҳамкасби Нарендра Модининг нутқи олдидан Буюк Британияда яқин орада ҳинд миллатига мансуб бош вазир пайдо бўлади, деб айтди.

“Бош вазир Моди, ҳозир сиз мен ҳар куни кўраётган ҳолатни кўрмоқдасиз – британиялик ҳиндлар Буюк Британияда борган сари катта роль ўйнашмоқда. Даунинг-стритда ҳинд миллатига мансуб бош вазир пайдо бўлишига оз фурсат қолди”, деб айтди Кэмерон Модини тинглагани келган 60 минг одам олдида.

Моди Кэмероннинг нутқини “ҳақиқатда тарихий он” деб айтди.

“Мен сизни ишонтира оламанки, сиз ўйлаган ва ҳар бир ҳинд ўйлаган орзуни Ҳиндистон амалга ошира олади. Ҳиндистонда ночор давлат бўлиб қолишга ҳеч қандай асос йўқ”, деб айтди нутқи олқишлар билан қаршиланган Моди.