Дубай полиция бошқармаси Германиядаги Нюрбургринг пойга трассасида энг катта тезликка эришган Porsche 918 Spyder супергибрид автомобилини олди. Бу ҳақда полиция бошқармаси твиттерида маълум қилинди.

Купе кўринишидаги автомобилнинг 887 от кучига эга гибрид куч қурилмаси таркибидан 4,6 литрли 8 цилиндрли 608 от кучига эга двигатель, 156 ва 129 от кучига эриша оладиган иккита электр мотор, литий-ионли батареялар тўплами ва иккита илашишга эга 7 поғонали “робот” узатмалар қутиси ўрин олган.

Автомобилнинг Weissach спорт-пакетига эга варианти 100 км/соат тезликка 2,6 сонияда, 200 ва 300 км/соат тезликка эса мос равишда 7,2 ва 19,8 сонияда эриша олади.

2013 йил кузида немис компаниясининг синовларни ўтказувчи ҳайдовчиси Марк Либ 20,6 км лик Нюрбургринг трассасини ушбу супер автомобилда 6 дақиқа 57 сонияда 179,5 км/cоат тезлик билан босиб ўтган. Бу натижа “Шимолий тугун” деб аталувчи трассанинг “фуқаролик” автомобиллари орасидаги расмий рекорди ҳисобланади.

Дубай полиция автопаркида, шунингдек, Audi R8, Aston Martin One-77, Bentley Continental GT, BMW M6, Bugatti Veyron, Ferrari FF, Ford Mustang, Lamborghini Aventador, McLaren MP4-12C, Mercedes-Benz SL 63 AMG, SLS AMG ва G63 AMG, Nissan GT-R ва Lexus RC F каби суперкарлари бор.