Фарғонада муҳтож оилаларга моддий ёрдам тақдим этиш ҳужжатларини сохталаштирган амалдор аёл қўлга олинди. Бу ҳақда “Ҳуқуқ” нашри хабар бермоқда.

Айтилишича, Ардахшон МФЙ котибаси, нафақа тайинлаш ахсус комиссиясининг аъзоси бўлиб ишлаб келган Муҳайёхон Йўлчиева тегишли ҳужжатларни сохталаштириб, одамлардан пора олиш йўли билан муҳтожлиги тўғрисида далолатнома тузилмаган шахсларни ҳам рўйхатга киритган.

Шу йўл билан у бюджетга 6 млн сўмдан ортиқ зарар келтирган.
Айни пайтда, муҳтожлиги тегишли далолатнома билан тасдиқланган 4 нафар шахсга нафақа пуллари тайинланмаган.

Суд мажлисида М. Йўлчиеванинг қилмишлари ҳужжатли далиллар, гувоҳларнинг кўрсатмалари билан исботалинб, унга ахлоқ тузатиш ишлари жазоси тайинланди.