Франция ҳукумати терактлар туфайли Парижда бўлиб ўтадиган иқлим бўйича халқаро саммитни бекор қилмоқчи эмас, деб хабар бермоқда Reuters ахборот агентлиги.

Дипломатик манбанинг айтишича, француз ҳукумати иқлим масалаларига бағишланадиган саммитни ҳеч қандай вазиятда бекор қилмайди ёки бошқа санага кўчирмайди.

Саммит Парижда декабрь бошида ўтказилиши режалаштирилмоқда.

Расмий маълумотларга кўра, Париждаги терактлар оқибатида камида 128 киши ҳалок бўлди. Париж полицияси 8 нафар террорчининг ўлгани ҳақида маълумотга эга. Террорчилардан 7 нафари худкушлар камаридан фойдаланиб портлашлар амалга оширган. Парижда фавқулодда вазият тартиби киритилди.