Франция шарқидаги Эквешем шаҳрида TGV тезюрар поезди издан чиқиб кетди. Поезд синовдан ўтаётган эди, деб хабар бермоқда Le Parisien нашри.

Поездда ёнғин чиққани қайд қилинган. Бир нечта вагонлар ағдарилиб, Марна-Рейн каналига тушиб кетган.

Темир йўл фалокати оқибатида 5 киши ҳалок бўлган, 60 киши жароҳат олган. Уларнинг барчаси синовда иштирок этаётган техник ходимлар бўлган.

Охирги икки кун ичида бу фалокат Францияда юз берган биринчи фожиа эмас. 13 ноябрда кечки пайт Парижда номаълумлар томонидан бир нечта теракт амалга оширилди. Оқибатда 128 киши ҳалок бўлган, 250 киши жароҳат олган. Ушбу терактларни Миср, Сурия ва Франция фуқаролари амалга оширган.