Германиянинг Герлиц шаҳрида истиқомат қилувчи 65 ёшли германиялик ўзининг Адольф Гитлерга қариндош эканини айтган.

Романо Лукас исмли бу шахснинг айтишича, нацистлар доҳийсининг отаси Алоис Гитлер ва ўз бобоси ака-ука бўлган.

Қариянинг айтишича, унинг ота-онаси Иккинчи Жаҳон урушидан кейин Шарқий Германияга қочишган, кейинроқ Словакияга ўтишган. Романо жуда ёшлигида ота-онасиз қолган ва монастирлардан бирида тарбияланган. Уни кўп ўтмасдан польшаликлар оиласи асраб олишган. Романо улғайгач, Германияга қайтган.

Ўзининг айтишича, у ўз фамилияси орқали кўп азият чеккан.

"Фамилиямни эшитишгач, баъзилар кулишади, баъзиларда қўрқув пайдо бўлади. Лекин мен Гитлерларнинг сўнггисиман, бизнинг авлоддан бошқа ҳеч ким қолмади", дейди у.
Express журналисти унга ишонмаган.

Тарихдан маълумки, Алоиси Гитлернинг акаси ҳам, укаси ҳам бўлгани ҳақида далиллар мавжуд эмас.