Париж шаҳри ва шаҳар атрофидаги ҳудудларда 14-15 ноябрь кунлари ўтказилиши керак бўлган спорт мусобақалари 13 ноябрь куни рўй берган терактлар туфайли бекор қилинди. Бу ҳақда маҳаллий нашрларда хабар қилинган.

Эслатиб ўтамиз, Парижда амалга оширилган терактлардан бири "Стад де Франс" яқинида рўй берди. Бу вақтда стадионда Франция ва Германия терма жамоалари ўртасида ўртоқлик учрашуви ўтказилаётган, ўйинни томоша қилиш учун Франция президенти Франсуа Олланд ҳам стадионга ташриф буюрганди.

Стадион дарвозаларидан бири олдидаги портлаш туфайли 3 киши ҳалок бўлган.