Париж шифохоналари олдида терактларда жароҳат олганларга қон топширишни истовчилардан иборат катта навбатлар юзага келди.

“Парижликлар бугун кечаги ҳужумдан кейин бирлашдилар, одамлар ўз қонларини бериш учун навбатларда турибдилар”, деб айтилмоқда Mirror нашридаги хабарда.

Баъзи ОАВлар қон топшириш пункти ёнида ҳосил бўлган узун навбатлар суратларини чоп этдилар.

13 ноябрь кечки пайт Парижда бир қатор терактлар амалга оширилди. Номаълум босқинчилар одамларга ҳужум қилиши оқибатида камида 128 киши ҳалок бўлди, 300 га яқин одам жароҳат олди.