Тошкентда “Спайс” сунъий гиёҳванд воситаси савдогарлари қўлга туширилди

Жамият 14 Ноябрь 2015 4720

Тошкентда “Спайс” сунъий гиёҳванд воситаси савдоси билан шуғулланувчи жиноятчилар гуруҳи қўлга туширилди. Бу ҳақда “Даракчи” нашри ёзмоқда.

Айтилишича, дастлаб тўда аъзоси, Тошкент вилоятида туғилган 39 ёшли Суннатулла Абдирайимов қўлга олинган. У Тошкент шаҳрида “Спайс” ва марихуана сотаётган пайтда жиноят устида қўлга тушган. Абдирайимов нашани Шерзод Долгих деган одамдан олганини айтган. Шу тариқа, қўлга олинган жиноятчилар сони 2 нафарга етган.
Тергов натижасида калаванинг бир учи Қашқадарё вилоятида яшовчи, 1982 йилда туғилган Баҳриддин Каримовга бориб тақалган. Маълум бўлишича, Долгихдан мусодара қилинган модда ҳам аслида Баҳриддиновдан олинган экан.

Тўданинг яна бир аъзоси, 36 ёшли Фарҳод Мирсаидов ҳам Тошкентда 300 минг сўмлик “мол” сотаётганида қўлга олинди. Унинг кетидан гувоҳликлар асосида Мирзо Улуғбек туманида яшовчи 33 ёшли О. Зияев ҳам ҳуқуқ-тартибот органлари томонидан қўлга туширилди.

Тергов давомида пойтахтда олийгоҳлардан бирининг 25 ёшли талабаси, гуруҳда воситачи ролини ўйнаган Денис Токарев ҳам қўлга олинди. Унинг изидан Республика Олимпия захиралари мактаби теннис мураббийи Фаррух Обидов ҳам 50 гр “Спайс” моддасини “Самарқанда дарвоза” савдо мажмуаси автотураргоҳида минг долларга сотишга уринаётган вақтида қўлга тушган.

31 ёшл Ф. Обидовнинг уйи ва машинасини тинтиш чоғида 80 гр “Спайс”, марихуана уруғ ҳамда наркотиклар тайёрлаш ва чекиш учун ишлатиладиган мосламалар топилган.
Шу тариқа, гиёҳванд моддалар савдоси билан шуғулланувчи бутун бошли тармоқ фош қилинди. Жиноятчилар 3 йилдан 11 йилгача озодликдан маҳрум қилинди.

Кун янгиликлари
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 22705 Жамият
Ўзбекистон қачонгача ривожланаётган давлатлар қаторида қолади?
16:20 / 21.08.2017 49233 Ўзбекистон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 62976 Жамият
CNN: Трампнинг маслаҳатчиси Путин билан учрашув уюштиришга ҳаракат қилган
09:58 62 Жаҳон
ЕЧЛ. Қуръадан олдин барча иштирокчилар номи ва саватчалар таркиби
09:57 155 Спорт
АҚШ янги ядровий қанотли ракета яратишга буюртма берди
09:40 465 Жаҳон
ОАВ: Россия ва Миср ўртасидаги авиаалоқа 2017 йилда тикланмайди
09:37 257 Жаҳон
Ўзбекистонда якка тартибдаги тадбиркорларнинг банкротлик жараёни жорий этилади
Мексиканинг биринчи электромобили ноябрь ойида пайдо бўлади
Вайронкор “Хато” тўфони Жанубий Хитойда 12 кишининг умрига зомин бўлди
09:25 530 Жаҳон
Кўпроқ янгиликлар