Саудия Арабистони қироли Салмон ибн Абдул Азиз ал Сауд Яқин Шарқ минтақаси ва Лотин Америкаси давлатлари иштирокида эркин савдо зонаси масаласини кўриб чиқишга чақирди.

“Биз эркин савдо, икки томонлама солиқ тўлашдан қочиш, ҳар иккала минтақа давлатларидаги сармояларни кенгайтириш ва ҳимоялаш тўғрисида шартномани имзолаш ҳақидаги масалани кўриб чиқишга чақирамиз. Мазкур битим ўртамиздаги савдо муносабатларини мустаҳкамлаш учун норматив-ҳуқуқий база билан таъминлайди”, - деди қирол Ар Риёдда бўлиб ўтган IV Лотин Америкаси ва араб давлатлари саммитини очар экан.

Саудия қироли яқин иқтисодий алоқаларнинг ривожланиши икки ҳудуд мамлакатларига замонавий дунёда улар дуч келиб турган молиявий қийинчиликларни муваффақиятли енгиб ўтиш имкон беради.

Икки кунлик саммитда 22та араб ва 12та Лотин Америкаси давлатлари делегацияси икки минтақа хавфсизлиги ва иқтисодий тараққиётига дахлдор бир қатор масалаларни муҳокама этишади. Жумладан, Сурия, Яман, Ливиядаги инқироз, шунингдек, Аргентина ва Британия ўртасидаги Фолкленд оролларига эгалик қилиш бўйича даъволарни сиёсий йўл билан ҳал этиш масалалари кўриб чиқилади.