15 ноябрь куни Тошкент шаҳридаги Versal туйхонасида киноактриса Асал Шодиеванинг синглиси Робия Шодиева ва Шаҳзод Раҳимовнинг никоҳ маросими бўлиб ўтди. Никоҳ маросимида иштирок этган Асал Шодиева келин-куёвни Лара Фабианнинг Je T'aime қўшиғини куйлаб бериш орқали табриклаган.

Куёв ҳам санъат олами вакили экани, ўз вақтида "Божалар" гуруҳи билан дуэт айтиб чиқиш орқали мухлисларга танилгани айтилган. У Жаҳонгир Позилжоновнинг шогирди сифатида яна бир неча қўшиқ ёзган.

Тўйга таклиф этилганлар орасида хонанда Шоҳруҳхон ва унинг онаси Зебо Наврўзова ҳам бўлган. Тўйда меҳмон бўлганларнинг маълум қилишича, тўйхонада ўзбек кино ва эстрадаси оламининг бошқа вакиллари деярли бўлишмаган.

Қайд этиш керакки, шу йилнинг аввалида Асал Шодиева ҳамда Шоҳруҳхоннинг унаштирилгани ҳақида хабарлар тарқалганди. Бироқ, кейинчалик Шоҳруҳхон бундай хабарларни инкор қилганди.