Мадриднинг "Реал" клуби ҳужумчиси Бензема жамоадан кетиши мумкин. AS нашрида ёзилишича, агар у Матье Вальбуэнага нисбатан товламачилик қилишда айбдор деб топилса, "Реал" ундан воз кечади.

Эслатиб ўтамиз, номаълум жиноятчилар "Лион" футболчиси Матье Вальбуэнага ишқий саҳнаси тасвирланган видеони тарқатиб юбориш билан таҳдид қилган ва ундан 150 минг евро талаб қилган эди. Бензема ҳам бу ишга алоқадорликда айбланмоқда.

Агар Бензема айбдор деб топилса, "Реал" президенти Флорентино Перес у билан шартномани бекор қилади.

Мадридликлар раҳбарияти қишки трансфер мавсумидаёқ Бенземани сотувга қўйиши ҳам мумкинлиги айтилган.

Бироз олдинроқ, Бензема Вальбуэнани шантаж қилишда иштирок этганини тан олгани хабар қилинганди.