Суриядан Бирлашган Қиролликка қайтиб келган 450 нафаргача радикал-жангари Британия миллий хавфсизлиги учун тўғридан-тўғри таҳдид уйғотади. Бу ҳақда Британия ИИВ қошидаги хавфсизликни таъминлаш ва терроризмга қарши курашиш бўйича хизмат директори Чарльз Фарр маълум қилди.

“Аксилтеррор хизмати манбалари 450 нафаргача радикаллашган британияликлар Суриядан Бирлашган Қиролликка қайтиб келгани ҳақидаги ахборотни тақдим этишди”, - дея иқтибос келтирди Sunday Telegraph нашри. Газета маълумотларига кўра, Фарр Сурияга борган 750 нафарга яқин Британия фуқароси хавфсизлик ва разведка хизматлари эътиборига тушган бўлиб, уларнинг 60 фоизи ватанига қайтиб келишганини айтган. 70 нафар британиялик эса ўлдирилган.

Аксилтеррор хизмати раҳбари хабарига кўра, ИШИД қайтиб келганларга ўз ғоясини сингдирган бўлиб, Сурия ва Ироққа қайтиб бора олмайдиганлар ўзи истиқомат қилаётган ҳудудда терактлар уюштиришга тарғиб қилиниши мумкин.
Маълумотларга кўра, 100 нафар киши террористик таҳдидлар уйғотиши мумкин бўлган энг ашаддий шахслар рўйхатига киради. Аввалроқ эса Суриядан 350 нафардан ортиқроқ киши қайтиб келагин тўғрисида хабар берилган эди.