20 ноябрь куни Люксембургда Европа Иттифоқи мамлакатларининг адлия вазирлари иштирокида фавқулодда йиғилиш ўтказилади.

Маълум қилинишича, бу йиғилишда Париж теракти бўйича қарорлар қабул қилинади.

"Европа варваризм ва терроризмга қарши курашда Франция билан бирга", дейилади шу ҳақдаги баёнотда.

Бироз олдинроқ, Франция ИИВ раҳбари Бернар Казнев ЕИ давлатларининг Ички ишлар вазирлари навбатдан ташқари йиғилиши ўтказилиб, унда Париж теракти масаласи муҳокама қилиниши таклифи билан чиққанди.

Эслатиб ўтамиз, 14 ноябрга ўтар кечаси Франция пойтахти Париж шаҳрида ИШИД жангарилари томонидан давомли терактлар содир этилди. Охирги маълумотларга кўра, ушбу хунрезликлар натижасида 129 киши ҳалок бўлган, жароҳатланганлар сони 352 нафарни ташкил этади. Жароҳатланиб шифохонага ётқизилганларнинг 99 нафари оғир аҳволда қолмоқда.