Франция миллий терма жамоаси футболчилари Англияга қарши ўртоқлик учрашувида майдонга тушишга тайёр эканликларини маълум қилишган.

Терма жамоа бош мураббийи Дидье Дешам ўз шогирдлари билан учрашиб, Париждаги воқеалардан кейин исталган футболчи ўзининг хавфсизлигини таъминлаш учун истаган жойига кетиши мумкинлигини билдирган. Аммо футболчиларнинг барчаси қолишга қарор қилган.

Англияга қарши ўйин 17 ноябрь куни, Лондондаги "Уэмбли" стадионида ўтказилиши белгиланган.

Эслатиб ўтамиз, Франция пойтахти Париж шаҳрида 13 ноябрь куни оқшомида давомли терактлар содир этилди. Портлашлардан бири Франция ва Германия терма жамоалари иштирокида бўлиб ўтаётган ўртоқлик учрашуви вақтида, "Стад де Франс" стадиони дарвозаси олдида содир этилган ва бу портлаш туфайли 3 киши ҳалок бўлган.

Ўйиннинг биринчи тайми вақтида содир бўлган терактлар ҳақида маълумотлар кела бошлагач, ўйинни кузатиш учун стадионга келган Франция президенти Франсуа Олланд дарҳол эвакуация қилинишган, томошабинлар орасида ваҳима бошланмаслиги учун бу ҳақда эълон берилмаган ва ўйин давом эттирилган.

Шундан сўнг, терма жамоанинг Англияга қарши ўйини қолдирилиши мумкинлиги ҳақида хабарлар пайдо бўлганди. Лекин федерация ўйинни ўтказишган қарор қилган.