Францияда тезюрар поезднинг издан чиқиб кетишига техник муаммолар сабаб бўлган, деб айтди Франция президенти Франсуа Олланд.

“Нотижорат йўли бўйича синов ўтказиш учун ҳаракатланган TGV синов поезди Экверсайм аҳоли пункти ҳудудида соат 15.00ларда темир йўл изидан чиқиб кетган. Поездда 50 га яқин одам бўлган. Дастлабки маълумотларга кўра, гап техник муаммолар ҳақида кетмоқда”, деб айтди Олланд.

Фожиа жойига яқин орада Франция экология, барқарор ривожланиш ва энергетика вазири Сеголен Руаяль ва транспорт бўйича давлат котиби Ален Видали ташриф буюради.

Аввалроқ Франция шарқида, Страсбург яқинидаги Эквешем шаҳри яқинида тезюрар поезд издан чиқиб кетгани ва бунинг оқибатида 7 киши ҳалок бўлгани маълум қилинганди.