Ироқ Франция, АҚШ ва Эронда қўпорувчилик ҳаракатлари уюштириладиган мамлакатлар экани тўғрисида разведка маълумотларига эгалигини ошкор қилди, дея хабар бермоқда Reuters.
Бу ҳақда Ироқ ТИВ раҳбари Иброҳим ал Жафарий маълум қилди.

Қайд этилишича, олинган маълумотлар мазкур мамлакатлар махсус хизматларига етказилган.
Агентлик вазирнинг гап айнан қачонги ҳужумлар ҳақида кетаётгани ҳақида аниқлик киритмаганига алоҳида эътибор қаратди. Мурожаатнинг ўзи эса Парижда қўпорувчиликлар содир этилганидан кейин бўлиб ўтган.

Эслатиб ўтамиз, 13 ноябрь оқшомида Парижнинг бир қанча округларида терактлар уюштирилди ва бунинг оқибатида 129 нафар киши нобуд бўлди, жароҳат олганлардан 99 кишининг аҳволи анча оғирлиги маълум қилинди.