Россиянинг Санкт-Петербург шаҳрида Ўзбекистон ва Тожикистоннинг доимий консуллигини очиш зарур, дея хабар қилди “Радио Балтика” эфириди шаҳарнинг болалар ҳуқуқлари бўйича вакили Светлана Агапитова.

“Петербургда нафақат фахрий консуллар, балки Ўзбекистон ва Тожикистоннинг доимий консуллиги фаолият кўрсатиши керак, чунки барча масалаларни Москвадаги элчихоналар орқали амалга оширишимизга тўғри келаяпи ва бу кўплаб ноқулайликлар туғдирмоқда”, - ойдинлик киритди Агапитова.

Эслатиб ўтамиз, Ўзбекистон фуқароси Дилафруз Наботова Миграция тўғрисидаги қонунчиликни бузгани учун Россиядан чиқариб юборилган, унинг 2 фарзанди эса Санкт-Петербургда қолган. У айни вақтда Санкт-Петербург ҳокимиятидан ўзидан ажратилган фарзандларини қайтаришини сўрамоқда. Ушбу оила вакиллари сентябрь ойи бошида ажратилган. 7 сентябрь куни Дилафруз Наботова ҳомиладор ҳолида Россиядан депортация қилинувчилар учун махсус изоляторга олиб келинган, унинг икки фарзанди, 7 ёшли Маҳбуба ва 8 ёшли Сарварбек эса муҳожирлар лагерига жўнатилган.