АҚШ президенти Барак Обама ва Россия президенти Владимир Путин G20 саммити доирасида алоҳида учрашиб, 20 дақиқа давомида суҳбатлашишди.

Улар БРИКС раҳбарлари учрашуви ва куннинг асосий сессияси оралиғидаги танаффусдан фойдаланган ҳолда бир стол атрофида учрашишган.

Маълум қилинишича, Обама ва Путин рўпарама-рўпара ўтирган ҳолда таржимонлар орқали суҳбатлашишган.

Суҳбат мавзуси ОАВга ошкор этилмаган.

Бироз олдинроқ, уларнинг саммит арафасида қўл бериб кўришишгани ва суратга тушишгани хабар қилинганди.