ИШИД террорчилик гуруҳига мансуб дея тахмин қилинаётган террорчи-худкуш Туркия жануби-шарқидаги Газиантеп шаҳрида ўзини портлатиб юборди.

AFP агентлиги маълумотига кўра, ҳодиса натижасида тўрт нафар полиция ходими жароҳат олди.
ОАВ маълумотларига кўра, портлаш турк полицияси томонидан рейд олиб борилаётган вақтда содир этилган.

Эслатиб ўтамиз, 2015 йилнинг 15-16 ноябрь кунлари Туркиянинг Анталия провинциясидаги Белек курорт шаҳарчасида “катта йигирматалик” мамлакатлари етакчиларининг саммити бўлиб ўтади. Унда дунёнинг иқтисоди тараққий этган ва ривожланаётган 20 мамлакати раҳбарлари глобал иқтисодиёт ва молиявий ҳамкорлик масалаларини муҳокама қилишади.