15 ноябрь куни АҚШнинг Филадельфия шаҳридаги циркдан қочган 2 зебра шаҳарда шовқин уйғотишди. Рейтер нашри хабарига кўра, UniverSoul Circus циркига тегишли бу жониворлар 1 соат давомида шаҳар кўчаларини кезишган.

Маълум қилинишича, бу вақт давомида зебралар шаҳардаги транспорт ҳаракатига таъсир ўтказишган ва финтес-марказда "меҳмон бўлишган".

Уларнинг саёҳати жараёнлари тасвирланган суратлар ижтимоий тармоқларда тарқалган.
"Зебралар айни вақтда назорат остига қайтарилди. Улар жабрланишмаган", дейилади маҳаллий полиция хабарида.

"Туёқ товушлари эшитилганида одамлар буни от туёқлари товуши деб ўйлашган. Аслида булар зебра экани маълум бўлгач, кўпчилик ҳайрон қолди", дейилади Ассошиэйтед Пресс нашри хабарида.