Париж шаҳрида ва унинг атрофида истиқомат қилувчи мусулмонлар французлар бўлиб ўтган терактлар учун улардан ўч олишидан чўчимоқда. Бу ҳақда Los Angeles Times нашри ёзмоқда.

“Албатта, биз қўрқувдамиз. Бу жиноятларни содир этганлар мусулмонлар ёки фанатлар эмас эди. Улар қотиллар эди. Лекин ҳамма ҳам буни тушунмайди”, - деди нашрнинг суҳбатдошларидан бири.

Франция расмийлари бир қатор масжидлар ёпилиши мумкинлигини айтди, негаки улар радикаллар беркинаётган жой эканлиги гумон қилинмоқда. Ички ишлар вазири Бернар Казнев бугунги фавқулодда вазият ҳукуматни қатъий чоралар кўришга чорлаётганини алоҳида таъкидлаб ўтди.

Бунда у нафақат масжидларни ёпиш, балки айрим мусулмонлар гуруҳларини мамлакатдан чиқариб юборишни назарда тутмоқда.
Бундан ташқари, ультраўнг сиёсий партия раҳбари Марин Ле Пен “ислом фундаментализми”ни йўқ қилиб, чегаралар назоратини кучайтиришни таклиф қилди.