Москва шаҳрининг шимоли-ғарбидаги Авиация кўчасида жойлашган «Я Самарқанд» кафесига ҳужум уюштирилишига мулк бўйича тортишув сабаб бўлгани тахмин қилинмоқда. Бу ҳақда ТАСС ҳуқуқни муҳофаза қилиш органлари берган маълумотга таяниб хабар тарқатди.

«Ҳозирги вақтда полиция ҳужум қилганларни кузатиш билан бир вақтда ушбу ҳолат бўйича барча молиявий-хўжалик ҳужжатларини ўрганиб чиқмоқда», - дейди мансабдорлардан бири.

Эслатиб ўтамиз, Москва шаҳрининг шимоли-ғарбидаги Авиация кўчасида жойлашган ўзбекларга тегишли бўлган «Я Самарқанд» кафесига 19 кишидан иборат жиноий гуруҳ бейсбол биталари билан қуролланган ҳолда кафега бостириб киришган ва уларга ҳужум уюштирган.

Ҳужум вақтида кафе эгаларидан бири ҳисобланган ўзбекистонлик жонини қутқариш учун иккинчи қаватдан пастга сакраган ва оёғини синдириб олган.