Жорий йилда 146 минг нафар киши Афғонистонни тарк этиб, Германия томон йўналган, деб хабар бермоқда Khaama Press агентлиги.

Афғонистон парламентининг қуйи палатаси 16 ноябрь куни Афғонистон ташқи ишлар вазири Салоҳиддин Раббоний ва қочқинлар иши бўйича вазир Саид Балхийдан мамлакатни тарк этувчилар сони ошиб бораётгани ҳақида тушинтириш беришларини талаб қилди. Маълум қилишларича, иккала амалдор ҳам хавфсизлик ва иш ўринлари яратиш борасида лоқайдликка йўл қўйишган.

Афғонистонда “Толибон” мухолифат ҳаракати билан ҳукумат қўшинлари ўртасида доимий равишда тўқнашувлар содир бўлиб келади. Ушбу тўқнашувларнинг асосий қурбонлари эса тинч аҳоли вакиллари бўлиб қолмоқда.