Ўзбекистон U-19 иккинчи ўйинда ҳам Беларусни мағлуб этди

Спорт 16 Ноябрь 2015 1871

Жасур Абдураимов бошчилигидаги Ўзбекистон ёшлар терма жамоаси Тошкентдаги "Жар" стадионида 16 ноябрь куни Беларусь U-19 терма жамоасига қарши иккинчи назорат учрашувини ўтказди.

Жамоаларнинг ўзаро дастлабки учрашувида ўзбекистонликлар 1:0 ҳисобидаги ғалабани қўлга киритганди. Иккинчи учрашув ҳам Абдураимов шогирдлари ғалабаси билан якун топди. Бу сафар ҳисоб бироз каттароқ кўриниш олди —3:1.

Учрашувнинг биринчи бўлимида Беҳзод Ғанижонов ҳамда Достон Ибрагимов рақиб дарвозасини бир борадан ишғол қилган бўлса, иккинчи таймда захирадан майдонга тушган Суҳроб Нуруллаев учинчи голга муаллифлик қилди.

Эслатиб ўтамиз, Ўзбекистон ёшлар терма жамоаси келаси йили Баҳрайнда бўлиб ўтадиган U-19 ёшлар ўртасидаги Осиё чемпионати финал босқичига тайёрланмоқда.

Кўпроқ янгиликлар