Париждаги терактдан сўнг ушбу фожиа воситасида тирикчилик қилишга уринаётган шахслар пайдо бўлди.
Тегишли хэштег, Эйфель минораси билан уйғунлаштирган “пасифик” тинчлик белгиси, Je Suis Paris шиори интернетда машҳур бўлиб кетганидан сўнг онлайн дўконларда фожиага бағишланган ҳамда шу рамзлар акс этган футболкалар сотувга чиқариб юборилди.

Arsons & Architects компанияси теракт кунининг ўзидаёқ янги коллекция чиқаришга қарор қилди.
“Дастлаб биз коллекциямизни баҳор ойларида чиқармоқчи эдик, лекин унинг ранг палитраси Франция байроғиникига яқинлиги боис уни ҳозироқ сайтимиздан харид қилиш мумкин, Париждаги дўстларимизни қўллаб-қувватлаш рамзи сифатида”, - деган хабар тарқатилди компаниянинг ижтимоий тармоқлардаги аккаунтларида.