Қирғизистонда 19 ёшли ИШИД одам ёлловчиси қўлга олинди

Жаҳон 16 Ноябрь 2015 3336

Қирғизистон ИИВ ходимлари Сурия ва Ироқдаги қуролли можароларда бир қатор террористик гуруҳлар таркибида жанг олиб борадиган одамларни ёллаш билан шуғулланган 19 ёшли республика фуқаросини қўлга олди. Бу ҳақда 16 ноябрь куни маҳкама матбуот хизмати хабар қилди.

“Гумондор шахс Ўш шаҳри (вилоят маркази) ва Ўш вилояти фуқароларини Сурия-Ироқ ҳудудида террористик бирлашмалар таркибида жанг олиб боришга ёллаш ҳамда уларни жўнатиш каналларини аниқлашга қаратилган тезкор қидирув амалиёти жараёнида қўлга олинди”, - дейилади хабарда. Қўлга олинган эркак кишининг исм-шарифи ҳозирча ошкор қилингани йўқ.

“Мазкур шахс ёллаш ишларидан ташқари, можаро ҳудудларига етиб боришгача бўлган молиявий, ҳужжатларни расмийлаштириш ва авиачипталарни сотиб олиш каби ишлар билан ҳам шуғулланган”, - дея тасдиқламоқда ИИВ. Ёлловчи шахснинг уйи тинтув қилинганида, қўлбола портловчи ускуна, ёнувчи моддалар солинган шиша идиш ва тақиқланган диний адабиётлар топилган.

Аввалроқ эса мазкур фуқаронинг қўлбола портловчи ускуна ёрдамида террористик акция ташкил этишга тайёргарлик кўраётгани тўғрисида маълумотлар қўлга киритилган эди.
Қирғиз ҳукумати маълумотларига кўра, Сурия ва Ироқ ҳудудида фаолият кўрсатаётган террористик жиноий тузилмалар таркибида 500 нафарга яқин республика фуқароси ҳаракатланмоқда. Уларнинг 120 нафари аёллардир.

Кун янгиликлари
Судьянинг нохолислиги ёки давлат телеканалининг “шохи” борми?
19:21 / 17.08.2017 94121 Жамият
“Менга ҳаловат йўлини кўрсатинг...”. Тўй қилиб қарзга ботган ота уламоларга юзланди
16:00 / 17.08.2017 46078 Жамият
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 51344 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 9176 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 20023 Ўзбекистон
Бразилия полицияси мавжуд бўлмаган спортчиларда пул қилган гуруҳни аниқлади
00:50 141 Жаҳон
Барселонада “Европанинг исломлашувига” қарши намойиш тарқатиб юборилди
00:40 531 Жаҳон
Олий Мажлис сенаторларидан бирининг ваколати муддатидан аввал тугатилди
Трамп ўзининг бош маслаҳатчаларидан бирини бўшатишга қарор қилди
00:24 389 Жаҳон
Дунёдаги энг кекса қочқин аёлга Швецияда бошпана бериш рад этилди
00:11 1314 Жаҳон
Кўпроқ янгиликлар