Қирғизистоннинг Иссиқкўл вилоятидаги Балиқчи шаҳрида хотини, қайноғаси ва қизини чопиб ташлаган эркак умрбод қамоқ жазосига маҳкум этилди. Бу ҳақда шаҳар суди ҳукмига таянган ҳолда 24kg нашри хабар бермоқда.

Айтилишича, Жалолобод вилоятининг Новқот туманида туғилган 1970 йили туғилган Аширбек Бозорбоев жиноят кодексининг 97-моддасига биноан айбдор деб топилган.

Воқеа 3 август куни содир бўлган эди. Ўшанда шаҳар миттитуманларидан бирида жойлашган хонадондан 3 кишининг жасади топилган эди. Бу жиноятни содир этишда гумон қилиниб ҳалок бўлган аёл Венеранинг турмуш ўртоғи, 45 ёшли Бозорбоев қўлга олинган эди. У тезда айбини тан олган эди.