Хитойнинг Chery фирмаси ва Исроилнинг Israel Corporation консорциуми томонидан ташкил этилган Qoros компанияси тўрт эшикли Qoros 6 кабриолетини тақдим этди. Прототип намойиши ишлаб чиқарувчининг Шанхайдаги заводида корпоратив тадбирлар доирасида ташкил этилди. Бу ҳақда Carnewschina хабар қилди.
Компания ходимлари меҳнати билан ишлаб чиқилган кабриолет Qoros 3 седани шассиси асосида бунёд этилди. Айни пайтда автомобилнинг жамланадиган том қисми мавжудлиги борасида маълумотлар йўқ, суратларда эса унинг фақатгина очиқ ҳолатдаги кўриниши ўз аксини топган.


Бундай кабриолетларнинг туркум ишлаб чиқарилиши ҳақида хабар қилинмади. Бироқ хитойлар Qoros 3 хэчбеки базаси асосида икки эшикли тижорий кабриолет устида ҳақиқатдан ҳам иш олиб бормоқда.


Янги моделга қуввати 126 ва 156 от кучига тенг атмосферали ҳамда турбинали 1,6 литр ҳажмга эга моторларни ўрнатиш таклиф қилинмоқда. Трансмиссия (двигатель ҳаракатини ғилдирак ва тасмалар орқали бошқа механизмларга узатувчи махсус қурилма) вазифасини олти босқичли “механик” ёки худди шу диапозондаги “робот” бажаради. Кабриолетнинг илк намойиши 2016 йилда бўлиб ўтиши кутилмоқда.