Россия Давлат думаси ФСБдан Telegram мессенжери фаолиятини чеклаш эҳтимолларини кўриб чиқишни сўраган. Бунга ИШИДнинг ушбу мессенжердан ўз тарғиботида кенг фойдаланаётгани ҳақидаги гумонлар сабаб бўлмоқда.

"Маҳаллий ОАВларда тарқалган хабарларга кўра, Telegram мессенжери жангариларнинг ўзаро мулоқот воситасига айланган, шунингдек улар бу мессенжер орқали ўз тарғиботларини олиб боришни йўлга қўйишган", дейилади Думанинг Конституцион қўмитаси раҳбари ўринбосари Александр Агеев.

Депутат ФСБдан бу хабарларни текшириб кўришни сўраган. Агар бу маълумот тасдиқланса, Telegram мессенжеридан фойдаланишга тўсиқ ўрнатилиши айтилган.