Тошкент вилоятидан бўлган шахс 15 нафар қишлоқдошини Россияга олиб бориб, 6 300 долларга сотиб юборди. Бу ҳақда “Постда” нашри ёзмоқда.

Айтилишича, Насибжон исмли йигит киракашлик билан кун кечириб келган. Бир куни у дўсти Бахтиёр орқали чет эллик Илёс ва Андрей исмли йигитлар билан танишган. Улар Россияда ўзбек таомлари тортиладиган ресторан очишни режалаштиришган. Насибжон уларга ўзбекча миллий либослар, ҳайкалчалар, расмлар, матолар, пардалар ва бошқа нарсалар харид қилишга ёрдам берган. Шундан сўнг улар алоқада бўлиб туришган.

Бир куни Насибжонга қишлоғидан ёш йигитларни тўплаб, Россияга олиб келиш таклиф қилинган. Насибжон турли алдов йўллари билан 15 йигитни тўплаб, уларга 500-600 доллар маош ваъда қилган. Қозоғистон орқали ноқонуний йўллар билан олиб чиқилган йигитлар Саратовга олиб келиниб, у ерда Насибжон томонидан 6 300 долларга сотиб юборилган.

Бу ерда йигитлар оғир меҳнатга мажбур қилинган ва ҳеч қандай маош олинган. Бир муддатдан сўнг улар ўз юртларига қайтишга муваффақ бўлишган ва бу ерда Насибжон устидан тегишли идораларга арз қилган.

Суд қарори билан Насибжон инсон савдосида айбланиб қамоққа олинди.