15 ноябрь оқшомида Венгрия ҳамда Норвегия терма жамоалари ўртасида Европа чемпионати учун саралаш баҳслари плей офф босқичининг жавоб ўйини ўтказилди. Унда 2:1 ҳисоиб қайд этилиб, иккинчи учрашувда ҳам венгрияликлар ғалаба қозонди.

Дастлаб ўйиннинг 14-дақиқасида Пришкин ҳисобни очди. Иккинчи бўлимнинг 83-дақиқасида эса Нюланднинг автоголи ҳисоб 2:0 кўрниш олишини таъминлади. Орадан тўрт дақиқа ўтгач, Хенриксен битта голга жавоб қайтаришга муваффақ бўлди. Учрашув охирига қадар мазкур натижа сақалниб қолди.

Шу тариқа, Венгрия жавоб учрашувида ҳам Норвегияни енгиб, 2016 йилги Европа чемпионатига йўлланмани қўлга киритди. Биринчи ўйинда венгрлар сафардан 1:0 ҳисобидаги ғалаба билан қайтганди.

Венгрия – Норвегия 2:1 (1:0, 1:1)
Голлар: 1:0 – 14 Пришкин, 2:0 – 83, автогол Нюланд, 2:1 – 87 Хенриксен.
Венгрия – Кирай, Гузмич, Кадар, Фиола, Ланг, Кляйнхайслер (Немет, 75), Элек (Пинтер, 46), Надь, Ловренчич, Джуджак, Пришкин (Боде, 62).
Норвегия – Нюланд, Ховланд, Форрен, Алеэсами, Элабделлауи, Хенриксен, Шелбред (Бергет, 80), Эдегор (Хелланн, 46), Юхансен, Эльюнусси (Педерсен, 46), Тетти.
Огоҳлантиришлар: Юхансен (11), Форрен (65), Надь (72), Боде (81).