Франция пойтахтидаги ҳужумларни ташкил этишда энг камида 20 киши иштирок этган, дея маълум қилди The Washington Post.

Газета маълумотларига кўра, Париждаги терактлар ижрочиларининг энг камида икки нафари Европага Яқин Шарқдан қайтиб келган.
Газетанинг ёзишича, Париж шимолидаги Stade de France стадиони яқинида ўзини портлатиб юборган террористлардан бири 20 ёшли Билол Хадфи ҳисобланади. Бунга қадар у бирмунча вақт Сурияда бўлган, сўнгра у ерда Бельгияга қайтган ва шу ерда Бельгия махсус хизматлари диққат марказидан четга чиққан.

Яна бир террорчи — Омар Мустафал майда жиноятлари сабабли саккиз маротаба полиция томонидан қўлга олинган. Махсус хизматлар сўнгги икки йил давомида унинг нима билан машғул бўлганини билишмаган. Тахминларга кўра, 2013 йилнинг қишида Мустафал Сурияга борган.
Махсус хизматлар диққат марказига тушган кишилар иштирокидаги кенг миқёсли босқинчиликларга тайёргарлик кўрилганининг Европа хавфсизлик хизматлари томонидан эътибордан четда қолгани бу борада йирик жарлик мавжудлигидан далолат беради, дейди The Washington Post`нинг юқори лавозимли ахборот манбаси.