Япония иқтисодиёти рецессия ҳолатига тушиб қолди – мамлакат ялпи ички маҳсулоти икки чоракдан буён қисқармоқда. Бу ҳақда мамлакат ҳукумати хабар берди.
Жорий йилнинг июль-сентябрь ойларида ЯИМ 0.8 фоизга тушиб кетди.

Иккинчи чоракда ЯИМ 0.7 фоизга қисқарди. Бунга сабаб бўлган асосий омиллар Хитой иқтисодиётидаги салбий тенденцияларнинг кўпайиши ҳамда товарларга бўлган талабнинг тушиб кетиши бўлдию. Бу Япония бизнесини ишлаб чиқариш ва инвестициялар ҳажмини туширишга мажбур қилмоқда.

Шу билан бирга, учинчи чоракда ички истеъмол талаби 0.5 фоизга ошди, бу эса ЯИМнинг 60 фоизини шакллантиради. Шу муносабат билан иқтисодиётни тиклаш вазири Акира Амари журналистларга тўртинчи чоракда ўсишни кутаётганлигини айтди.