2016 йил иш ўринларини яратиш ва аҳоли бандлигини таъминлаш дастурига биноан келгуси йилда барча йўналишлар бўйича 1 миллионга яқин иш ўрни яратилиши режалаштирилмоқда. Шундан 396,9 мингта иш ўрни мақсадли комплекс дастурларга мувофиқ, 595,9 мингта иш ўрни эса якка тартибдаги тадбиркорлик, касаначиликни ташкил этиш, фермер ва деҳқон хўжаликларини ривожлантириш орқали ташкил этилади. Бу ҳақда "Телеграф.уз" нашри хабар тарқатди.

Дастурга биноан, 2016 йилда касб-ҳунар коллежларини тамомлайдиган 511,5 минг битирувчининг бандлигини таъминлаш, ёшларни тадбиркорликка кенг жалб этиш мақсадида 13 триллион сўм банк кредитлари ажратилиши режалаштирилган.