Британия ҳукумати “нотурғун” давлатларга кўрсатилаётган моддий ёрдам ҳажмини умумий ёрдам бюджетининг аввал белгиланган 30 фоизидан 50 фоизига қадар оширади, дея маълум қилди мамлакат бош вазири Дэвид Кэмерон.

РИА “Новости” агентлигининг хабар беришича, Дэвид Кэмерон хориж мамлакатларига кўмак кўрсатиш бюджети Британияни дунёда ўткир вазиятларни барчадан ҳам тезроқ ҳал этадиган давлатга айлантиради, деб ҳисоблайди. “Халқаро ривожланиш вазирлиги бюджетида биринчи навбатда заиф мамлакатларга эътибор қаратилиши стратегиямизнинг фундаментал қисми ҳисобланиб,

Британиянинг жаҳондаги “юмшоқ кучлар” етакчиси сифатидаги позициясини мустаҳкамлаб туради”, - деди Кэмерон. Аввалроқ Британия ҳукумати махсус хизматларнинг аксилтеррор тузилмаларига 2020 йилга қадар қўшимча 2 миллиард фунт стерлинг ажратиши ҳақида хабар берилган эди.