Россия бош вазири Дмитрий Медведев давлат муассасаларини 2016 йил 1 январдан фақатгина Россияда ишлаб чиқарилган дастурий таъминотни сотиб олишга мажбурловчи қарорни имзолади, деб хабар бермоқда “Коммерсантъ” нашри.

Давлат муассасалари хорижда яратилган дастурларни агар тегишли рўйхатда унинг Россияда ишлаб чиқарилган муқобили бўлмаса ёки у керакли функцияларга эга бўлмасагина сотиб олишлари мумкин бўлади.

Россияда ишлаб чиқарилган дастурий таъминот рўйхати давлат ёки муниципал муассасалар, нотижорат ташкилотлар ва Россия субъектларининг улуши 50 фоиздан ошувчи тижорат компаниялари маҳсулотларидан тузилади. Шу билан бирга бундай компанияларда хорижий компанияларнинг тушуми 30 фоиздан ошмаслиги керак. Дастурий таъминотларни рўйхатга киритиш қарори Россия алоқа қўмитаси ҳузуридаги эксперт гуруҳи томонидан қабул қилинади.